V'r zeen begosj!

Ondanks 't sjlechte weir zeen er tog väöl luij nao de Proclematie gekomme. In de sjieke Agnespoort goon veer ozze nuuje raod van 17, prins, prinses en ceremoniemeister oetroope.

Mhe dat doon veer neet zonder jers aafsjeid te numme van ozze geweldige raod van 14, Prins Jonathan, Prinses Fenna en Ceremoniemeister Fenna van 't geweldige seizoen in 2025.

Bedank veur un sjiek jaor, 't waor super mèt uch in 't MFC' en natuurlijk in de graasj.

Mhe dan is 't toch ech zwa wiet. De naamkeertsjes zitte in de ballone en ozze nuuje groep van mer leefs 20 Haverzèkskes, kump vanachter in de zaal, door de erehaag 't podium op.

De spanning lup op en dan is 't zwa wiet. Jonathan maog de roàje ballon oetkeeze en besjlis hie mèt wei de nuuje prins weurd. Fenna maog de gele ballon oetkeeze en besjlis hie mèt wei de nuuje prinses weurd. En de andere Fenna maog de greune ballon oetkeeze en heit hie mèt de nuuje ceremoniemeister oetgekoze. Hie zeen ze dan veur uch:

Prins Luuk d'n jèrste

Prinses Amber

Ceremoniemeister Floris

Dan komme er 20 blauwe ballone 't podium op. Zakoplaoter René Nijpels maog 2 ballone oetkeeze en dan weite veer wea van de Haverzèkskes de kleine haverzak nao 't Agnesplein maog drage op Carnevalszondig. Jools en Femke zeen de gelukkige haverzakdragers gewaore.

Noe zeen veer compleet! Alle Haverzèkskes goon zich umkleije in de offesjele pekskes en komme daonao weer trök 't podium op veur de installatie en proclematie. Mèt hulp van de Havermennekes en team Haverzèkskes weure os nuuje prinsepaar en de ceremoniemeister veurzeen van alle medailes, t krwentsje, de sjteek, de hood en 't fluitje.

Ozze nuuje Prins Luuk krieg oet han van Alexander Hanssen, veurzitter van de Havermennekes de einige echte scepter. Auch de raod krieg hun medaile en 't haverzèkske, en daonoa zètte zie allemaol de sjteek op.

Eederein is noe klaor um er ein groàt fjes van te make. Onder hel applaus goon os Haverzèkskes in polonaise de zaal in en dan kin Carneval 2026 veur de jeugd noe auch ech beginne.

Haverzèkskes Alaaf, Bung Alaaf!

VLNR boven: Quin Lenaers, Jos Budy, Daan Gruijters, Floris Murkens, Luuk Arentsen, Amber Vangeneugden, Julie Kars, Mila Vrancken, Jools Mingels, Femke Thomissen

VLNR beneden: Cas Stijns, Gilles Le Bron de Vexela, Robin Milius, Max Weltens, Tijs Schumacher, Julia Stuur, Merle Schrooders, Joanna Chen, Jinte Brassé, Dean Reigman

Wat is vastelaovend zonder de jeugd?

Wij zijn Jeugdcarnavalsvereniging de Haverzèkskes, de trots van Bunde! Al sinds 1965 vieren wij samen de mooiste tijd van het jaar met volop plezier, muziek, feestjes en vriendschap.

Onze vereniging draait helemaal om de jeugd, van de jeugdprins en prinses en uiteraard onze ceremoniemeester tot onze enthousiaste raad van elf. Samen zorgen we ervoor dat de traditie van de vastelaovend springlevend blijft in Bunde.

Het hele jaar door organiseren we feestjes, optredens en natuurlijk de optocht, waarbij we laten zien dat carnaval niet alleen voor de groten is, maar zeker ook voor de kleintjes!

Of je nu wilt meedoen, kijken of gewoon gezellig mee wilt feesten. Bij de Haverzèkskes is iedereen welkom.

Alaaf en tot een van onze volgende feesten!